Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, u takua me përfaqësues nga Oda Tregtare Kosovaro Turke.
Sipas njoftimit, ata biseduan rreth bashkëpunimit të Kosovës dhe Turqisë në rrafshin ekonomik, rritjen e investimeve të kompanive turke në Kosovë e rritjes së eksporteve të Kosovës në Turqi, shkruan Arbresh.info.
Më tej, në njoftim thuhet se u trajtuan zhvillimi i dyanshëm i turizmit dhe angazhimi i Odës Tregtare Kosovaro Turke në evente të cilat kanë për qëllimin promovimin edhe të shtetit tonë dhe krijimit të urave të bashkëpunimit për bizneset e Turqisë dhe Kosovës.
Bislimi theksoi se qeveria mbetet e angazhuar në rritjen e mundësive investuese për kompani të huaja në Kosovë dhe lehtësimin e bashkëpunimit, në dritën edhe të punës që po zhvillohet mbi Agjencinë e Investimeve dhe Eksporteve që do të funksionojë në kuadër të Zyrës së Kryeministrit, por edhe atasheve ekonomikë të Kosovës në kryeqendrat kryesore anembanë botës./Arbresh.info/
Ushqimet e pasura me vitaminat e rinisë
Çka thuhet në dosjen e Prokurorisë për zëvendës-sekretarin e...
Bie fuqia e uraganit Milton në stuhi të kategorisë tre – flo...
“Zemra më thotë të luaj për Gjermaninë” – Brajan Gruda i mby...
Një portokall në ditë – Shtatë përfitime për organizmin
Vizita e Erdoganit në Tiranë, Kuvendi i Shqipërisë anuloi se...